«1-маусым-Балаларды қорғау күні» мерекесіне арналып 01.06.2026 жылы мектеп жанындағы «Балбөбек» жазғы-сауықтыру алаңының тәрбиеленушілерінің қатысуымен
салтанатты жиын өткізілді. Жиын барысында жоспарға сәйкес «Көңілді старт» спорттық іс –шарасы, «асфальтқа сурет салу» конкурсы өткізіліп жеңімпаздар мен жүлдегерлер арнайы кубоктармен марапатталды. Жеке демеушілер тарапынан балаларға сыйлықтар таратылып, салтанатты жиын арнайы мәдени-концерттік бағдарламамен жалғасын тапты.
Жаңалықтар
🔔🎓 «Соңғы қоңырау – 2026»
🎊 «Мектебім, саған мың алғыс!» 🎊
Бүгін еліміздің барлық білім ордаларында соңғы қоңырау сыңғырлады. Бұл – бір жылдық білім мен тәрбиенің қорытындыланып, жаңа өмірге қадам басар ерекше сәт.
«Көкмардан» жалпы білім беретін мектебінде 25 мамыр күні «Мектебім, саған мың алғыс!» тақырыбында соңғы қоңырауға арналған салтанатты жиын өтті. Іс-шараға Отырар ауданы әкімдігінің өкілі Қасымбеков Есбол, ата-аналар комитетінің төрағасы Т. Бахаев, қамқоршылық кеңес төрағасы Қ. Ерназаров, Отырар аудандық полиция бөлімінің аға лейтенанты Е. Бимырза және ардагер ұстаздар арнайы қатысып, жас түлектерге ақжарма тілектерін арнады.
Салтанатты жиында мектеп директоры Ади Шарипов 2025–2026 оқу жылындағы мектеп жетістіктеріне тоқталып, білім мен тәрбие жолында аянбай еңбек етіп жүрген ұстаздарға алғысын білдірді. Сонымен қатар мектеп мерейін асқақтатып жүрген бірқатар ұстаздар Алғыс хаттармен марапатталды.
Мерекелік кеш барысында түлектер алтын ұя мектебімен қимастықпен қоштасып, ұстаздары мен ата-аналарына жүрекжарды алғыстарын жеткізді. Әсем әндер шырқалып, әсерлі өлеңдер оқылып, мектеп қабырғасындағы ұмытылмас сәттер еске алынды.
🛎 Соңғы қоңырау – әр шәкірттің жүрегінде мәңгі сақталатын ерекше күн.
💐 Қымбатты түлектер, сіздерге ақ жол тілейміз!
✨ Армандарыңыз асқақ, болашақтарыңыз жарқын болсын!
🌟 «Үздік оқушыларымыз – біздің мақтанышымыз!» 🌟
Мектебімізде озат оқушыларды марапаттау рәсімі өткізілді. Білім мен тәрбие жолында үздік нәтиже көрсеткен шәкірттеріміз марапатталып, құрметке ие болды.
Жас дарындарымыздың жетістіктері артып, алар асулары биік болсын! Ұстаздар мен ата-аналардың еңбегі жана берсін!
«Адал ата-ана-Қауіпсіз балалық шақ» өңірлік тұжырымдамасы аясында 20.05.2026 жылы 2025-2026 оқу жылының қорытындысы бойынша мектеп ата-аналарының жалпы жиналысы өткізілді. Жиналыс барысында ата-аналарға 2025-2026 оқу жылын аяқтаудағы қорытынды аттестаттау бойынша ерекшеліктер, жазғы демалысы кезіндегі жасөспірімдер арасында құқық бұзушылықтың алдын-алу, оқушылардың қауіпсіздігін қамтамасыз ету ережелерінің сақталуы, оқушылардың жазғы демалысын ұйымдастыру,
2026-2027 оқу жылында оқушыларды 1-сыныпқа қабылдау ережелері, 2026-2027 оқу жылында оқушылардың бірыңғай мектеп формасын сақтауы туралы және 18.05-08.06. 2026 жыл аралығында Отырар ауданының аумағында флешмоб форматында өтілетін «Отбасылық зорлық-зомбылықсыз- Қазақстан» атты Республикалық ауқымды акциясының мақсаты мен міндеттері туралы мәліметтер берілді.
Көкмардан жалпы білім беретін мектебінде оқушылардың өмір қауіпсіздігін сақтау, құқықтық сауаттылығын арттыру және жазғы демалыс кезіндегі сақтық шараларын түсіндіру мақсатында “Қауіпсіздік – басты назарда” тақырыбында қауіпсіздік сынып сағаттары өткізілді.
📚Сынып сағаттары барысында оқушыларға:
🔹 жолда жүру ережелері;
🔹 өрт қауіпсіздігі;
🔹 судағы қауіпсіздік талаптары;
🔹 табиғат аясындағы қауіпсіздік;
🔹 интернеттегі қауіпсіздік мәдениеті;
🔹 құқықбұзушылықтың алдын алу мәселелері түсіндірілді.
👩🏫Сынып жетекшілері оқушыларға қауіпсіздік ережелерін сақтаудың маңыздылығын айтып, әрбір оқушының өз өмірі мен денсаулығына жауапкершілікпен қарауы қажеттігін ерекше атап өтті.
✅Мектебімізде оқушылардың қауіпсіздігі әрдайым басты назарда. Бала қауіпсіздігі – баршамыздың ортақ міндетіміз!
Көкмардан жалпы білім беретін мектебінде 5-11 сынып білім алушылары арасында аутодеструктивті мінез-құлықтың, зиянды әдеттердің және нашақорлықтың алдын алу мақсатында мектеп психологтары тарапынан түсіндіру жұмыстары жүргізіліп, жасырын сауалнама алынды. Сауалнама барысында білім алушылардың психологиялық ахуалы, эмоционалдық жағдайы және салауатты өмір салты туралы ақпараттану деңгейі зерделенді. Оқушыларға зиянды әдеттердің алдын алу, эмоцияны басқару және қиын жағдайда көмекке жүгіну жолдары бойынша профилактикалық кеңестер берілді. Сауалнама қорытындысы бойынша оқушылардың жалпы психологиялық жағдайы тұрақты деңгейде екені анықталды.
“Адал ата-ана – қауіпсіз балалық шақ” тақырыбында жалпы ата-аналар жиналысы өткізілді.
🏫 Көкмардан жалпы білім беретін мектебінде білім алушылардың қауіпсіздігін қамтамасыз ету, ата-ана мен мектеп арасындағы ынтымақтастықты нығайту мақсатында “Адал ата-ана – қауіпсіз балалық шақ” тақырыбында жалпы ата-аналар жиналысы өткізілді.
Жиналыс даярлық тобы, 1–4 сыныптар, 5–9 сыныптар және 10–11 сыныптар бойынша ұйымдастырылып, ата-аналарға бала тәрбиесіндегі жауапкершілік, қауіпсіздік ережелері, оқушылардың бос уақытын тиімді ұйымдастыру, интернет қауіпсіздігі мен құқықбұзушылықтың алдын алу мәселелері кеңінен түсіндірілді.
Кездесу барысында мектеп пен ата-ана арасындағы өзара байланыс пен ынтымақтастықтың маңыздылығы айтылып, балалардың жарқын болашағы үшін бірлесе жұмыс жасау қажеттігі сөз болды.
✨ Бала қауіпсіздігі – баршамызға ортақ міндет!
Ата-ана мен мектептің тығыз қарым-қатынасы ғана саналы, тәрбиелі ұрпақ қалыптастырудың негізі болмақ.
Туркістан облысы,Отырар ауданы Көкмардан жалпы білім беретін мектеп
9 мамыр Жеңіс күні мерекесіне орай мектеп кітапханасында " Ұрпақтар ұмытпайтын - Ұлы жеңіс!"тақырыбында көрме ұйымдастырылды. Мектеп ұжымы мен жас оқырмандар Ұлы Отан соғысы,ерлік пен тағдырлар туралы кітаптармен қызыға танысты. Кітап көрмесіне Ұлы Отан соғысының батырлары Б.Момышұлы, Қ.Қайсенов, М.Маметова, А.Молдағұлованың ерліктері жайлы әдебиеттер қойылып мектеп ұжымы мен оқушыларына кеңінен насихатталды.
Мақсатымыз: Жас ұрпақты патриотизмге,елін,жерін сүюге және халқын құрметтеуге тәрбиелеу.Оқушылардың бойына ұлттық рухты патриоттық сезімдерді ұялату
Ұлы Жеңіс күніне орай мектебімізде ұлттық спорт түрі – асық атудан жарыс ұйымдастырылды.
Аталған жарыстың басты мақсаты – оқушыларға ұлттық құндылықтарды дәріптеу, салауатты өмір салтын насихаттау және Ұлы Жеңістің маңызын ұғындыру болды.
Жарыс барысында қатысушылар өздерінің мергендігін, ептілігін және шапшаңдығын көрсетіп, тартысты ойын өрнегін көрсетті. Әрбір оқушы белсенділік танытып, ойынға үлкен қызығушылықпен қатысты.
Іс-шара соңында жеңімпаздар анықталып, марапатталды. Бұл жарыс оқушыларға көтеріңкі көңіл-күй сыйлап, патриоттық рухтарын нығайтты.
✨ Осындай тәрбиелік мәні зор шаралар алдағы уақытта да жалғасын табады.
Мектебімізде Ұлы Жеңіс күні қарсаңында «Толағай» атты отбасылық сайыс ұйымдастырылды. Бұл шараның басты мақсаты – оқушылар мен ата-аналар арасындағы байланысты нығайту, салауатты өмір салтын насихаттау және бірлік пен ұйымшылдықты дәріптеу болды.
Сайысқа қатысқан отбасылар түрлі кезеңдер бойынша өз бақтарын сынады. Олар ептілік, жылдамдық, тапқырлық және командалық рухтарын көрсетіп, көрермендерге ерекше әсер сыйлады. Әр отбасы барынша белсенділік танытып, жеңіске деген жігерін көрсетті.
Шара өте қызықты әрі көңілді өтті. Көрермендер қатысушыларға қолдау білдіріп, сайыстың сәнін арттырды. Нәтижесінде үздік деп танылған отбасылар марапатталып, алғыс хаттар мен сыйлықтарға ие болды.
Осындай тәрбиелік мәні зор шаралар мектеп өмірін жандандырып қана қоймай, оқушылардың бойында патриоттық сезімді қалыптастыруға үлкен үлес қосады.
ОТЫРАР АУДАНЫНДА АҚПАРАТТЫҚ ТҮСІНДІРУ ЖҰМЫСТАРЫ ЖҮРГІЗІЛДІ
Бүгін Отырар ауданында жастар арасында діни жат ағымдардың алдын алу мақсатында кездесу өтіп, ақпараттық түсіндіру жұмыстары жүргізілді.
«А.Дәрібаев», «Көкмардан» жалпы білім беретін мектептері мен Отырар аудандық №1 және№2 балалар мен жасөспірімдер спорт мектептерінде өткен кездесуге Отырар ауданы әкімдігі ішкі саясат бөлімінің сектор меңгерушісі Ғалымжан Сарсеков, Түркістан облысы Дін істері басқармасы, «Дін мәселелерін зерттеу орталығының» бөлім басшысы Қайрат Салықбаев қатысты.
Кездесу барысында «Дін мәселелерін зерттеу орталығының» бөлім басшысы Қайрат Салықбаев баяндама жасап қоғамда белең алып жатқан жат ағымдар туралы ақпарат беріп, әлеуметтік желілердегі, күмәнді сайттардағы уағызшыларды тыңдамау, діни материалдарды таратудың жауапкершілігі, шет елде рұқсат етілмеген теологиялық оқу орындарында оқудың қауіптілігі туралы айтып түсіндірді.
Жиынға қатысушылар тарапынан қойылған жат ағымдарды ұстанушылардың алғашқы белгілері, қандай уағызшыларды тыңдауға болатыны туралы сұрақтарға маман тарапынан тұщымды жауаптар берілді.
🇰🇿 Жеңіс күніне орай өткізілген тәрбие сағаты 🇰🇿
Ұлы Жеңіс күні мерекесіне орай “Ер есімі – ел есінде” тақырыбында 3-сынып оқушыларымен тағылымы мол тәрбие сағаты өткізілді. Сынып жетекшісі Қ. Қанаева апайдың ұйымдастыруымен өткен бұл шараның басты мақсаты – оқушыларға батырларымыздың ерлігін таныту, олардың ел үшін жасаған жанқиярлық еңбегін дәріптеу, сондай-ақ жас ұрпақтың бойына патриоттық сезім қалыптастыру.
Тәрбие сағаты барысында оқушылар соғыс ардагерлері туралы мәліметтермен танысып, өлеңдер оқып, өз нерлрін көрсетті.
Осындай тағылымды шаралар арқылы өскелең ұрпақтың елін, жерін сүюге деген құрметі арта түседі деп сенеміз.
